بسم الله الرحمن الرحيم
السلام عليكم ورحمة الله وبركاته
في يوم من ايام الاسبوع اللي راح
طقني الطفش من حالتي السيئه
وقلت مابدهاش يابت مالك الا اللي يوسع صدرك
واروح متجهه ومسرعه لغرفتي
وادخل واسكر الباب
واسكر اللمبات
وانسدح على فراشي
مالي الا النوم يوسع صدري
واقعد نص ساعه في نقاشات مع نفسي وضميري
والله الدنيا ملل
وضيقه صدر
معليش بس يعني اذا يبيني يقول
مو يتركني كذا 6 سنين خطبه
والله صرت استحي اذا سالوني الناس انتي مخطوبه او لا بالزواجات
مدري وش اقول لا مخطوبه ولا متروكه
اوكي انا معه لين اخلص دراستي
بس على الاقل يسوي شي
يتحرك يبين لي فيه انه يبيني
يعني شبكه
ملكه
مابقى لي الا سنه واتخرج زياده على هالترم اللي بقى له ايام ويخلص
يعني بس سنه
المشكله انه محطوط على الصامت ماتدرين وش يدور بخاطره
هذا الحكي كله يدور على خطيبي ابن عمي
مخطوبه من يوم اني بالمتوسط
واللحين انا مستوى سادس بالجامعه
يعني سنه ثالث
ملل
صح؟
.
.
.
.
.
واخيرا نمت
.
.
.
.
اذن الفجر وخلصو من الصلاه وانا نايمه
دخل علي وفتح الباب وجاء عند راسي
وفتح الابجوره وجلس على طرف السرير
وقومني
هنو
هنو
هنو
قومي صلي الفجر عشان ربي يوفقك
فتحت عيني .. من شفت ..
خطيبي !!!
قمت ناظرني ابتسم
قمت من فراشي
ووقفت قدامه
ضميته قعدت ابكي ..
ضمني وجلسني على الكنبه اللي بغرفتي
ايش فيك
ليه تبكين
مين مضيق صدرك
خلاص ارجعي نامي وبعدين قومي صلي ارجعي اذا تعبانه
قمت قلت انا مافيني شي
بس تعبانه منك
حرام عليك
ليش كذا تعاملني
قسم بالله يوميا ابكي منك
ليه كذا ليه
وش هالجفاء
وش سوينا فيك عشان تعاملنا كذا
امي ماعاد صارت تجتمع مع الحريم بس يسالونها عنك
وهي ياعمري ماتدري وش تقول
ولا انا مالي خلق الجامعه كرهتها وكرهت الدراسه بسبتك
خلاص ماصارت ماتسوى علينا
قام عني وقال روحي غسلي وجهك وصلي ونتفاهم اللحين روحي
قمت دخلت الحمام
توضيت
وطلعت
لقيت ابوي بغرفتي جالس على الكنب يناظرني وحزين !!
قمت صليت
وانا اصلي بدت ترجع لي الاحداث اللي تو >>تعرفون ابليس مايقصر بالصلاه
لاااااااا وش سويت انا
معقوله حقيقه ولا حلم
خلصت صلاه وانا مدري وش صليت
وعجزت اقوم من السجاده جاء ابوي وجلس عندي
قال : انتو زعلانين مني
طيب انا صدق وش اسوي باامك
امك عنيده
وش اسوي يعني اشق ثيابي
والله اني من اروح للدوام وانتو ماتغيبون عن بالي
بس افكر فيكم
يعني عاجبني هالوضع
بس خلاص لهدرجه انتو متاثرين انا اسف
وان شاء الله بكلم امك اليوم ومايصير الا كل خير
بس لاتضيقون صدوركم..
بس بسالك صدق امك ضايق صدرها
قلت انا :: هااااااااااااااه >>مصدومه
بعدين قلت : ايه ضايق صدرها ماتدري وش تسوي
قال خلاص قومي نامي وارتاحي وانا بشوف وش يصير وان شاء الله ترتاحون وارتاح
اللي احكي معه طول الوقت واللي ضميته صار ابوي
طلع من عندي وانا اغني ..
يالليل ياجامع على الود قلبين ..
مرت السالفه وامي وابوي تراضو بسبتي والمقصود مادرى عن هوى بالي ..
طبعا هالخبطه اللي فوق كلها خيال في خيال ..
بس اللي ابي اوصل له :
الصراحه تريح كثير من الاطراف
لو ماصارحت ابوي وقلت له كان ضلو زعلانين من بعض
ليه دايم نروح ندور عن حلول للمشاكل ونسال استشاريين ونحكي للناس الهموم
والحل بيدنا
المصارحه بندول من الدرجه الاولى
جربوها وادعو لي ..
ارجع واقول الصراحه هي اللي تقوم بيوت
اما الحقد والي يشيل بقلبه صدقوني هذا ماراح يرتاح ولا بيريح
ملطووووش لعيونكم
دمتم بود
الرئيسية 